Nos Galan yng Nghaerdydd

Bydd Caerdydd yn croesawu 2015 gyda thân gwyllt yn goleuo’r awyr yn nathliadau Calennig y ddinas.

O 9.30pm ar Nos Galan, caiff ymwelwyr â’r Ganolfan Ddinesig hanesyddol bartïo gyda DJ byw, mwynhau cyffro reidiau’r ffair deuluol, mwynhau hudoliaeth Gŵyl y Gaeaf WalesOnline Caerdydd a joio’r awyrgylch wrth i 2015 agosáu.

Ar ôl 6.30pm, bydd gwasanaeth bws am ddim yn gweithredu diolch i Bws Caerdydd ac Alexander Dennis Ltd.  Mae manylion llawn am lwybrau a’r amserlen ar wefan Bws Caerdydd.

Bydd y ffair yn rhedeg rhwng hanner dydd ar Nos Galan i 1.00am ac ar Ddydd Calan o 2.00pm i 8.00 p.m.  I sglefrio yng Ngŵyl y Gaeaf, prynwch docyn drwy ffonio 02920 230130.

I gael rhagor o fanylion am y dathliadau ewch i wefan Nadolig Caerdydd.

Blwyddyn newydd dda!